कल्याण, दि. ०१ (प्रतिनिधी) : जीवनात यशस्वी होण्यासाठी कठोर परिश्रम घ्या, विद्यार्थ्यानी निश्चित ध्येय डोळ्यासमोर ठेवले तर त्यांना उच्च शिखर गाठण्यास कोणीही रोखू शकत नाही. परंतु त्यासाठी ध्येयवादी व्हा आणि आपले वर्तमान कर्तुत्व भारतमातेच्या चरणी समर्पित करा असा मौलिक सल्ला भाजपा प्रदेश सचिव तथा आमदार नरेंद्र पवार यांनी विद्यार्थ्यांना दिला.
भारतीय जनता पार्टी कल्याण पश्चिम विधानसभा क्षेत्राच्या माध्यमातून आमदार नरेंद्र पवार यांच्या पुढाकाराने कल्याण शहरातील दहावी व बारावी परीक्षेत यशस्वी कामगिरी करणाऱ्या गुणवंत विद्यार्थी व त्यांच्या पालकांचा गुणगौरव सोहळा मोहने येथील एनआरसी सभागृह, कल्याण येथील आधारवाड़ी चौक येथील मंगलकलश सभागृह व चिकणघर येथील मंगेशी सभागृह या विविध सभागृहात विविध प्रमुख मान्यवारांच्या उपस्थित पार पडला. या सोहळ्यात मोहने येथे सुमारे ८०, आधारवाडी व चिकणघर परिसरातील सुमारे ५०० असे एकुण ५८० विद्यार्थ्यांचा व् पालकांचा गौरव करण्यात आला.
दरम्यान यावेळी कल्याण डोंबिवली महानगरपालिक भाजपा गटनेते वरुण पाटील, महिला बालकल्याण समिती सभापती वैशाली पाटिल, स्थायी समिती सदस्य अर्जुन भोईर, माजी शिक्षण मंडळ सभापती दयाशेठ गायकवाड, नगरसेविका उपेक्षा भोईर, जिल्हा सरचिटणीस शिवाजी आव्हाड आदि मान्यवरांसह परिक्षेत्रातील भाजपा पदाधिकारी आणि कार्यकर्ते उपस्थित होते.
