डोंबिवली : शहराच्या पूर्व भागातील तुकाराम नगरात राहणारा मंदार म्हात्रे हा तरुण हिंदू धर्माच्या चालीरीतीमध्ये वाढलेला. त्याच्या शेजारी राहणाऱ्या मधुबेन यांच्या सान्निध्यात आला. त्याच्यासोबत तो जैन मंदिरात जाऊ लागला. त्याला जैन धर्म आवडू लागला. आता त्याने जैन धर्माची दीक्षा घेण्याचा निर्णय घेतला आहे. त्यासाठी आवश्यक असलेले विधी त्याने पार पाडले आहेत. येत्या 27 एप्रिल रोजी तो विधीवत जैन धर्माची दीक्षा घेत आहे. त्याच्या दीक्षा समारंभास त्याच्या आई वडिलांची मान्यता आहे.
मंदार हा तुकाराम नगरात राहत असताना त्याच्या शेजारी मधूबेन नागाडा राहत होत्या. त्या मंदारला मुलाला सारख्या मानत होत्या. मंदारही त्याचा जणूकाही मानसपूत्रच झाला होता. त्याच्या घरी येणे-जाणे होते. जैन मंदिरात जाताना मधूबेन मंदारला प्रार्थनेकरीता नेऊ लागल्या. त्याच्यावर जास्तीत जास्त जैन धर्माच्या प्रार्थनेचा प्रभाव झाला. या संस्काराचा पश्चात मंदारने जैन धर्माची दीक्षा घेण्याचा निर्णय घेतला. मात्र त्याला त्यावेळी त्याचे वडील सुभाष म्हात्रे यांनी दीक्षा घेणे काही सोपे काम नाही कठीण असते. त्यावर मंदार याने त्याची पूर्ण मानसिक तयारी झाली असल्याचे ठामपणे वडिलांना सांगितले. दीक्षा घेण्याआधी उद्यापन करावे लागते. त्याकरीता मंदार याने 3 हजार किलो मीटरचा प्रवास पायी केला आहे. त्या परिक्षेत तो खरा उतरला आहे. त्यानंतर त्याला दीक्षा देण्याचा दिवस ठरला आहे. 27 एप्रिल रोजी मंदार हा जैन धर्माची दीक्षा घेत आहे. मंदार हा सोमवंशी क्षत्रिय पठारे समाजाचा होता. आता तो जैन होणार आहे. त्याच्या वडिलांनी सांगितले की, मंदारने त्याच्या मनाने हा निर्णय घेतला आहे. त्यामुळे त्याला आमचा विरोध नाही. आम्ही सगळे त्याच्या दीक्षा समारंभास उपस्थित राहणार आहोत. त्याच्या आनंदात आम्हाला आनंद आहे. तो एक चांगले काम करीत आहे. त्याला जो धर्म आवडतो. त्याचे आचरण करण्याचे स्वातंत्र्य त्याला आहे.
