डोंबिवली : करोनाचा प्रादुर्भाव कमी होत असताना शहरातील स्वच्छता करणे आवश्यक आहे. कल्याण-डोंबिवली महानगरपालिकेच्या माजी महापौर विनिता राणे व जेष्ठ नगरसेवक विश्वनाथ राणे यांनी त्यांच्यात कार्यकर्त्यांसह यांच्या डोंबिवली पश्चिमेकडील जुनी डोंबिवली (प्रभाग क्र ६४ ) येथे रविवारी सकाळी पालिकेच्या सहकार्याने विशेष स्वच्छता मोहीम राबविली. स्वच्छ आणि सुंदर प्रभाग ठेवा असे आवाहन येथील नागरिकांना करण्यात आले.
पालिकेच्या घंटागाडीसह स्वच्छता कर्मचारी यांचा ताफा राणे यांच्या बरोबर होता. जुनी डोंबिवली रोड, तेलकोस वाडी, गणेशघाट खाडी रस्ता आदी विभागातील रस्त्यावर कचऱ्याची पाहणी करून स्वच्छता करणे किती महत्वाचे आहे हे नागरिकांना पटवून दिले. यावेळी महापौरांनी स्वतः स्वच्छता करण्याचे प्रात्यक्षिक करून दाखविले. त्यानी सांगितले, दिवाळीसाठी घरे स्वच्छ करतांना आपला परिसरही स्वच्छ ठेवला पाहिजे. तर यावेळी माजी नगरसेवक विश्वनाथ राणे, म्हणाले, दिवाळी सणाच्या आधी लोक आपल्या घरातील जुने फर्निचर , वस्तू बाहेर टाकतात. या वस्तू आणि परिसरातील रस्त्याच्या कडेला पडलेले कचरा उचलण्यात आला. प्रभागात रस्त्याच्या दुतर्फा गाड्या पार्किंग केल्या जातात त्यामुळे रस्त्यावरून वाहतूक कोंडी होते. ही समस्या सोडवण्यासाठी रस्त्यावर पी १ आणि पी २ करण्यासाठी उपप्रादेशिक परिवहन विभागाकडे पाठपुरावा सुरु आहे. आता सकाळपासून सुरु असलेल्या स्वच्छता मोहमेमुळे प्रभागाचा काही प्रमाणात कायापालट झाला. यावेळी माजी नगरसेवक विश्वनाथ राणे, पालिका घनकचरा व्यवस्थापन अधिकारी, कर्मचारी, कार्यकर्ते आणि परिसरातील नागरीक सहभागी झाले होते.
