आमदार संजय गायकवाड यांच्या महापुरुषांच्या वक्तव्य विरोधात मनसेचे आंदोलन

डोंबिवली : गेल्या दोन दिवसापूर्वी शिंदे सेनेचे आमदार संजय गायकवाड यांनी महाराष्ट्राचा स्वाभिमान असणारे महापुरुषांबद्दल अत्यंत खालच्या पातळीचे वक्तव्य केले होते. याबद्दल महाराष्ट्र नवनिर्माण सेना डोंबिवली शहर तर्फे त्यांच्या विरोधात आंदोलन करण्यात आले. त्यांच्या या गाढव पणाचा निषेध म्हणून त्यांच्या प्रतिमेवर महिलासेना कार्यकर्त्यांनी जोडे मारो आंदोलन करून त्यांना डोंबिवलीत फिरु देणार नाही असा इशारा दिला.थोर पुरुषांचा अपमान करणाऱ्या या आमदाराच्या विरोधात रामनगर पोलीस ठाण्यात गुन्हा दाखल करावा व त्यांना निलंबित करण्यात यावे अशी मागणी या आंदोलनात करण्यात आली. यावेळी महाराष्ट्र नवनिर्माण सेनेचे जिल्हाध्यक्ष प्रकाश भोईर, शहराध्यक्ष राहुल कामत, महिला शहराध्यक्षा मंदाताई पाटील, उपजिल्हाध्यक्ष, विधानसभा अध्यक्ष उदय वेळासकर, अरुण जांभळे, शहर सचिव संदीप (रमा )म्हात्रे, शहर संघटक सुमेधाताई थत्ते, स्मिताताई भणगे, प्रतिभाताई पाटील,उपशहराध्यक्ष प्रेम पाटील, निशांत पाटील, श्रीकांत वारंगे, विभाग अध्यक्ष रवी गरुड, प्रदीप चौधरी, विशाल बढे, रतिकेश गवळी, हिम्मत मात्रे, निलिमाताई भोईर, परेश भोईर, तसेच शाखाध्यक्ष उपविभाग अध्यक्ष महिला सेना आदी पदाधिकारी उपस्थित होते.