डोंबिवली : कचोरे ग्रामस्थ मंडळ, कचोरे कोळीवाडा यांच्या माध्यमातून नारळी पौर्णिमा उत्सव 2025 मोठ्या उत्साहात आणि पारंपरिक पद्धतीने साजरा करण्यात आला. कोळी समाजाच्या संस्कृतीची साक्ष देणारी पारंपरिक मिरवणूक कचोरे कोळीवाडा चौक ते कचोरे खाडीपर्यंत वाद्यांच्या गजरात आणि पारंपरिक वेशभूषेत शुक्रवारी काढण्यात आली.
या महोत्सवात सहभागी होण्यासाठी कल्याण ग्रामीण विधानसभा मतदार संघाचे आमदार राजेश मोरे यांना खास आमंत्रित करण्यात आले होते. आमदार राजेश मोरे हे मिरवणुकीत पारंपारिक पद्धतीने उत्सवात सहभागी झाले होत. त्यांनी ग्रामस्थांशी संवाद साधला आणि सर्वांना नारळी पौर्णिमेच्या शुभेच्छा दिल्या.
